ԼՈՒՐԵՐ: Թվեր և փաստեր Հայաստանից
Հազվադեպ համակցությամբ ուռուցքների միաժամանակյա վիրահատություն. nairimed.com
Օրերս «Նաիրի» բժշկական կենտրոնում կատարվեց հազվադեպ հանդիպող ախտաբանական վիճակի վիրահատական միջամտություն: Պացիենտի մոտ առկա երկու տարբեր ուռուցքի կապակցությամբ՝ բրոնխի և մակերիկամի, կատարվեց միաժամանակյա վիրահատություն: Այն մեծ վարպետությամբ և պատասխանատվությամբ իրականացրեց «Նաիրի» ԲԿ վիրաբուժական թիմը՝ Անդրանիկ Իսրայելյանի և Արմեն Խանոյանի գլխավորությամբ:
«Նաիրի» ԲԿ էր դիմել միջին տարիքի տղամարդ` Ստեփանավանից, ով երկար ժամանակ ձգձգվող թոքաբորբի պատճառով բուժումներ էր ստացել և, գրեթե, անարդյունավետ: Սովորաբար, բակտերիալ թոքաբորբ` այդքան երկարատև ընթացքով, բժշկության մեջ արձանագրված չէ: Ուստի, եթե բուժման ֆոնի վրա դրական առաջխաղացում չի նկատվում, պետք է մտածել այլ ախտաբանության մասին:
Պացիենտին համակարգչային տոմոգրաֆիայով (ՀՏ) հետազոտելուց հետո հայտնաբերվեց, որ աջ թոքի ստորին բլթի բազալ բրոնխներից 9-րդ սեգմենտար բրոնխն ինչ-որ գոյացությամբ փակ է: Քանի որ վիրաբուժության մեջ բրոնխոսկոպիան և ռենտգեն քննությունը անփոխարինելի և բազիսային հետազոտություններից են, կատարվեց նաև բրոնխոսկոպիա, որը հաստատեց ՀՏ արդյունքները: Հայտնաբերվեց 9-րդ սեգմենտար բրոնխի ամբողջական օբտուրացիա ուռուցքով:
Բարեբախտաբար, չնայած այն բավականին խորադիր էր, հաջողվեց կատարել բիոփսիան: Հյուսվածքաբանական հետազոտության արդյունքում ախտորոշվեց ուռուցք` կարցինոիդ, ինչը, թեև չարորակ է, համեմատաբար դանդաղ է աճում, բնույթով լոկալ է և շատ քիչ դեպքերում է տեղային, ավշային հանգույցների մետաստազներ տալիս, առավել ևս՝ հեռավոր մետաստազներ: Այդ պատճառով վիրահատական միջամտության արդունավետությունը մեծ է: Ամեն ինչ կախված է ուռուցքի միտոտիկ ակտիվությունից, այսինքն, թե ինչ արագությամբ է ուռուցքը բաժանվում: Հիվանդի մոտ ակտիվությունը բավականին ցածր էր:
Այս ամենից զատ, ՀՏ հետազոտության ընթացքում որովայնի խոռոչում` աջ մակերիկամի վրա, հայտնաբերվեց ևս մեկ ուռուցք` ֆեսխրոմոցիտոմա: Երկու ուռուցքն էլ նեյրոէնդոկրին են, ինչը հազվադեպ զուգադիպություն է:
«Նաիրի» ԲԿ-ում գործող բարձրակարգ վիրաբույժների խումբն ընդունակ էր լուծում տալ: Որոշում կայացվեց երկու վիրահատությունը կատարել միաժամանակ` համատեղել: Դա նախընտրելի էր և՛ հիվանդի համար, և՛ վիրաբույժների` խուսափելու անցանկալի անակնկալներից:
Սկզբում Ա.Ադամյանը հեռացրեց ֆեսխրոմոցիտոման, այնուհետև կրծքային վիրաբույժ Ա. Խանոյանը, կատարեց բազալ սեգմենտէկտոմիա :
Վիրահատությունը տևեց երկար, բայց` արդյունավետ ելքով: Հիվանդը դուրս գրվեց 5-րդ օրը՝ մնալով հսկողության մեջ մեր մասնագետների կողմից:
Դեպքն առանձնանում է ուռուցքների տեսակների հազվադեպ զուգադիպմամբ` երկուսն էլ` նեյրոէնդոկրին տեսակի, մուլտիֆոկալ տեղակայումներով (մակերիկամ, բրոնխ): Այսպիսի վիրահատությունները պետք է տեղ գտնեն վիրաբուժական դասագրքերի մեջ:
Կարդացեք նաև
«Որակն առողջության գրավականն է» խորագրով միջոցառումն առիթ էր գնահատելու բուժքույրերի, մանկաբարձների, դեղագետների, ինչպես նաև երկար տարիներ...
Սույն թվականի մարտ ամսին «Արմենիա» ՀԲԿ վիրաբուժական բաժանմունք էր ընդունվել 32-ամյա տղամարդ՝ պարանոցի առաջային մակերեսի ուռուցքանման գոյացության կապակցությամբ...
Սմարթֆոններով անդադար թերթվող տեղեկատվությունը, արտաքին գործոնները բացասաբար են ազդում մեր հիշողության և ուշադրության կենտրոնացման վրա...
«Ավան» հոգեկան առողջության կենտրոնում բացվեց վերանորոգված ու վերազինված արտահիվանդանոցային բաժանմունքը...
Գիտական խորհրդի հերթական նիստն անցկացվեց ապրիլի 30-ին: Առանցքում էր Կլինիկական աշխատանքների գծով պրոռեկտոր Արմեն Մինասյանի տարեկան հաշվետվությունը...
«Նաիրի» բժշկական կենտրոնի վիրաբույժներին հաջողվել է լապարոսկոպիկ եղանակով հեռացնել փայծաղային զարկերակի մեծ անևրիզմը՝ պահպանելով պացիենտի փայծաղը...
Իմունականխարգելման եվրոպական շաբաթվա շրջանակում ԵՊԲՀ-ում Առողջապահության համաշխարհային կազմակերպության մասնակցությամբ և Կարիերայի կենտրոնի...
Առողջապահական ծառայությունների որակի բարելավման ռազմավարական փորձարարական ծրագիրն արդեն ներդրվել է հանրապետության մի քանի բժշկական կենտրոնում...
Երևանում մեկնարկել են «Հայաստանյան արագ արձագանքման բժշկական թիմի» (ՀԱԱԲԹ) 15-օրյա վերապատրաստման դասընթացները...
Ապրիլի 16-ին Մոր և մանկան առողջության պահպանման գիտահետազոտական կենտրոնում տեղի ունեցավ «Շարակցական հյուսվածքի համակարգային հիվանդություններ...
Երևանի 7 վարչական շրջանում մեկնարկել է «Ավագ սերնդի շրջանում ֆիզիկական ակտիվության խթանման» հանրային արշավը...
Նկարում Սերինեն է, ծնվելուց հետո 90 օր գտնվել է Էրեբունի ծննդատան նորածնային բաժանմունքում: Նա ծնվել է հղիության 25-րդ շաբաթում...
«Էրեբունին» հանրապետությունում որպես խոշոր, բազմապրոֆիլ և առաջատար բժշկական կենտրոն մշտապես արդիականացվում է, վերազինվում գերժամանակակից սարքավորումներով...
«Էրեբունի» բժշկական կենտրոնի վերակենդանացման բաժանմունք էր ընդունվել ծայրահեղ ծանր վիճակում, կրիտիկական ցուցանիշներով՝ գրեթե անգիտակից, բարձր ջերմությամբ...
Warning: mysqli::query(): (HY000/1): Can't create/write to file '/var/tmp/MYi04FjE' (Errcode: 28 - No space left on device) in /sites/med-practic.com/classes/DatabaseManager_2.1.php on line 1403